Causa Galiza apresenta a sua proposta para a constituiçom dum novo projecto político no País

Bases para a constituiçom dum Novo Projecto Comum para a liberaçom nacional e social da Galiza.  

É o nome do documento que hoje acaba de fazer público Causa Galiza. A proposta da iniciativa popular pola autodeterminaçom, que se dirige às centenas de homes e mulheres que participam nas assembleias nacionalistas locais onde se debate a constituiçom dum Novo Projecto Comum, define os princípios ideológicos e políticos que Causa Galiza considera imprescindíveis na gestaçom do NPC, o modelo organizativo e a nossa aposta para que o processo constituinte se desenvolva desde abaixo, democraticamente e com um debate profundo e clarificador.

Causa Galiza, após este lançamento público, apresentará formalmente esta proposta nas distintas assembleias nacionalistas de base que se estám a constituir em todo o País, assim como aos agentes políticos comprometidos com a gestaçom dum NPC desde parámetros nacionalistas e de esquerda real. O objectivo principal do documento é contribuir ao debate e a necessária clarificaçom que se deve produzir, achegando ao processo umha defesa nítida dos princípios soberanistas e independentistas e a consciência de que o quadro autonómico é hoje mais do que nunca um marco incapaz para responder ás necessidades e interesses imediatos e estratégicos da maioria social galega.

A proposta política e organizativa de Causa Galiza para o NPC pode consultar-se na nossa secçom de Documentos.