Causa Galiza organiza o sábado 30 em Lugo um acto nacional pola revoluçom de 1846

Dentro das actividades en prol da socializaçom do direito de autodeterminaçom, Causa Galiza apresentou está manhá na Galería Sargadelos umha nova cita nacional convocada o dia 30 em Lugo, em homenagem aos 165 anos da revolución galega que abriu o caminho ao soberanismo. O membro da assembleia comarcal de Lugo da Causa Galiza, Xosé Manuel Seixas, lembrou a importáncia histórica da cidade de Lugo no levantamento de 1846, desde que no 2 de abril desse ano Miguel Solís proclama a insurreiçom na Praça Maior até que mais de 20 dias depois o exército espanhol dessarma a cidade. Seixas afirmou que fixar esta data no almanaque contribue a “dignificar a nosa historia”.

Olalha Barro, membro da Porta-vozia da Causa Galiza, analisou o atual contexto de conflito político e as conclussons que a Causa Galiza tirou dum processo de debate que culminou o passado 19 de março com a celebraçom do seu plenário nacional. Assm, Barro sinalou que a organizaçom autodeterminista evidenciou que “a via estatutária é umha via morta” para acadar a soberania nacional. Ademais, indicou que “temos a responsabilidade de fomentar este debate nas organizaçons do nacionalismo”, para o qual consideram umha ferramenta útil o Acordo Democrático Nacional (ADN) apresentado em Ponte Vedra o passado 18 de dezembro. Precissamente, o ato do 30 abril servirá para fazer públicas as novas organizaçons que secundam este acordo de mínimos autodeterministas.

Borxa Rei, também membro da assembleia comarcal de Lugo da Causa Galiza, apresentou a totalidade dos atos para essa jornada, que vam começar às 18:00 no Parque de Sam Roque e sucederám-se polas distintas ruas de Lugo, com intervençons dos historiadores Bernardo Maiz e Bernardo Penabade, recital poético de autores e autoras como Darío Xohán Cabana, Xiana Arias ou Daniel Salgado e a música tradicional da associaçom A Volta do Agro. O ponto final do roteiro será a Praça Maior, onde se producirá o ato político central com a presença da Portavozia da Causa Galiza.

À noite, a celebraçom vai continuar com umha foliada a partir das 20:00 no Centro Social Mádia Leva! (Rua Amor Meilán) e umha ceia de convívio no mesmo local. E, já à meia noite, porá o ponto final un concerto na Sala 982 (Ronda da Muralha), com as actuaçons dos grupos Lugo Sen Descanso, Ondas Martenot, Das Kapital, Sacha na Horta e Os Tres Trebóns. A entrada ao concerto terá un preço de seis euros. Causa Galiza organizará um autocarro desde as comarcas de Vigo, Ponte Vedra e Santiago que volverá depois dos atos programados. Ademais, habilitará-se um espaço para durmir.

A convocatoria em memória da Revoluçom Galega de 1846, que o ano passado foi celebrada em Carral, chega este ano a Lugo em consoância com a decissom de Causa Galiza de levar a reivindicaçom da soberania nacional às comarcas galegas, e soma-se às convocatórias de 25 de julho e 6 de dezembro nas que a iniciativa autodeterminista tem conseguido unir a todo o movimento soberanista galego.