Convocatorias

10/02/2012 - 20:30

Convocada assembleia comarcal de Causa Galiza em Compostela para 10 de Fevereiro

13/02/2012 - 21:00

Celebra-se assembleia comarcal de Causa Galiza em Lugo

25/02/2012 - 20:00

Assembleia de Causa Galiza no Barbança celebrará-se no 25 de Fevereiro

Login do usuário

Causa Galiza disponibiliza o programa completo para o 25 de Julho

Trás a marcha unitária do soberanismo galego, convocada por quarto ano consecutivo, que terá saída o 25 de Julho ás 13:00 da Alameda de Compostela, Causa Galiza organizará um jantar de convívio no parque de Belvis e numerosas actividades políticas, culturais e deportivas para o Dia da Pátria, cujo programa disponibilizou completo hoje. Os actos do parque de Belvis desenvolveram-se sobre dous espazos centrais com programaçom paralela. No espaço político vam-se realizar diversas charlas sobre a autodeterminaçom, enquanto no literario se levarám a cabo distintas apresentaçons de livros.

Assim, os actos do Espaço Político darám começo às 17:00 horas com o debate A luita pola autodeterminaçom. Galiza, Euskal Herria e Països Catalans, no que se dará umha perspectiva da luita soberanista no Estado Espanhol e no que vam participar, ademais dum representante de Causa Galiza, delegaçons bascas e catalás desprazadas até Compostela para o 25 de Julho. As outras duas palestras estarám centradas na relaçom do direito de autodeterminaçom com outras luitas. Assim, às 18:00 horas vai debater-se sobre Movimento operário e autodeterminaçom. Respostas à situaçom actual, com a presença de Ricardo Castro, secretário geral da CUT e Paulo Rubido, secretário nacional da CIG-Serviços. E às 19:00 horas terá lugar a última palestra, sobre Lingua e autodeterminación, com a presença de activistas em defesa da língua.

Pola sua banda, no Espaço Literário terám lugar apresentacións de diversas publicaçons. Assim, às 18:00 horas começarám os actos com a apresentaçom do livro colectivo Non conciliados. Argumentos para a resistencia cultural, editado polo Cineclube de Compostela, com presença dalguns dos autores. Às 19:00 será o turno de Júlio Teixeiro, que vem apresentar o seu livro Recessom ou colapso?. Teoria da crise dos marxismos, e o professor de ciência política Carlos Taibo fechará o espaço às 20:00 para apresentar Decrescimento, crise, capitalismo.

Paralelamente, e a partir das 16:30, vam desenvolverse no parque de Belvis distintas actividades paralelas nas que participam outros colectivos, como o partido de futebol organizado por Siareir@s Galeg@s, o aberto de billarda convocado pola Liga Nacional de Billarda ou as actividades para crianças a cargo de Agarimar. Ademais, como o ano passado, também se vai celebrar umha feira de associaçons ao longo da tarde.

Para fechar o programa de actos do Dia da Pátria, aàs 21:00 horas terá lugar um concerto no mesmo parque de Belvis, com as actuaçons de Projecto [‘trεpja], Labregos no tempo dos Sputniks e Fracasados de antemano, que porá o fim de festa a umha nova convocatória unitária do soberanismo organizada por Causa Galiza.

Programa de actos para o Dia da Pátria

MANIFESTAÇOM (COM SAÍDA NA ALAMEDA)

13:00 h. Manifestaçom unitária com o lema Para enfrentarmos o capital, aqui e agora soberania nacional.

ZONA DE JANTAR (PARQUE DE BELVIS)

14:30 h. Jantar popular (preço 10 €)

ESPAÇO POLÍTICO (PARQUE DE BELVIS)

17:00 h. A luita pola autodeterminaçom. Galiza, Euskal Herria e Països Catalans.

Causa Galiza

Delegaçom basca

Delegaçom catalá

18:00 h. Movimento operário e autodeterminaçom. Respostas à situaçom actual

Ricardo Castro. Secretário Geral da CUT