Causa Galiza activa a sua página web para fazer dela mais um instrumento ao serviço da luita pola autodeterminaçom.

Comunicamos aos nossos leitores e leitoras que a partir da data o portal www.causagaliza.org passará a publicar informaçom regular sobre o direito de autodeterminaçom, entrevistas, iniciativas, etc. que tenham como eixo principal esta estratégia de luita. A activaçom do web enquadra-se dentro dumha dinámica mais ampla de relançamento da própria Causa Galiza e do trabalho em favor da socializaçom do direito de autodeterminaçom que pretendemos desenvolver no seio do povo galego e, particularmente, do tecido associativista nacional.

O web passará a fornecer pois notícias, análises e convocatórias que, na Galiza ou a nível da Europa Ocidental, onde se conhece umha importante repotencializaçom das luitas soberanistas e independentistas, tenham interesse para quem trabalhamos em favor da superaçom do actual quadro jurídico-político em chave de soberania nacional e justiça social. Convidamos os nossos leitores e leitoras a achegar-nos aquelas referências que podam ser úteis para desenvolver este trabalho que agora se inicia e que espera ser útil na construçom da massa crítica social que faga avançar a luita soberanista neste País.

Conselho de Redacçom de causagaliza.org